2018 Miss Grand International takok angula süja ao

Miss Grand International 2018 tetoktepba nung takok angur kongrutem sangdongba sülen, takok korang angula Miss Paraguay, Clara Sosa sabang nung süja aoba yangi angur. 

Yangon, (Myanmar) Mongputeni/October 26 (Agencies): Myanmar kübok Yangon yimti nung Mongputeni/October 25, 2018 nü ‘Miss Grand International 2018’ tetoktepba sentong nung Philippine tsür kongru, Eva Patalinjug-i top 20 jenjang metongtet.
Miss Popular Vote category tetoktepba nunga Cebu, Philippines nungi Eva-i takok mengutet. Iba telemsa nung lai top 10 jenjang tashi tongtetta liasü.

2018 Miss Grand International takok korangji Paraguay tsür Clara Sosa-i angu.
La den külemi India tsür Meenakshi Chaudhary aser Indonesia tsür Nadia Purwoko nati 1st aser 2nd runners up jenjang nung takok nguogo.
Sentong agiba mapang Clara-i ‘Miss Grand International’ takok anguba osang angashia la sabang nung suja oadok.
Puerto Rico aser Japan tsür ‘beauty queen’ nati top 5 jenjang nung takok ngutet.
Tang tashi nung Philippine-i ‘Miss Grand International’ title ka danga koktetta mali.
Tia makai preliminary round agiba mapang Eva achujia liasü, saka lai ano nümatanga shilem agi.