Citizenship Bill anema Nirmal Nunisa-i BJP toktsü

Guwahati, Mongputeni (October) 26 (Agencies): Dima Hasao nung tongtipang BJP lennir Nirmal Nunisa-i Hokolbarnü party toktsü aser iba ya Assam nung BJP sorkar atema khuret ka lir.
Nunisa-isa Assam Power Distribution Company Limited (APDCL) nung Director menden toktsüogo.
Chief Minister Sarbananda Sonowal-i Citizenship (Amendment) Bill, 2016 atema ola madoker aser party-i mapa kar inyakba atema ni mepelar, ta Nunisa-i tanü ashi.
“Assam nung lisopurtemi Citizenship (Amendment) Bill magizüker saka Chief Minister-i iba atema ola ka danga madoker. Chief Minister ya lisopur kin nungi lir saka pai lisportem aliba tesemtem nung terenlok mapa tongti kecha meinyaker” ta Nunisa-i züluba shidi nung shia lir.
Pai BJP State president Ranjit Dass nem party toktsüba shidiji agütsü.
Sorkari rongsenkettsüng indang asalentong tai yangluba ajanga linük nung nübortemi timtem jenti ajurur, ta paisa ashi.
Nunisa ya taoba mapang state public works department (PWD) nung executive engineer inyak aser January 27, 2016 nü BJP nung züngsem aküm.