Oct. 29 nü state nung Vigilance Awareness Week amongtsü

Kohima, Mongputeni/October 26 (TYO): District Administration Mokokchung den senteper State Vigilance Commission Kohima-i ayongzüka Mongputeni/October 29 nü anüngdang 11:00 ako nungi Town Hall Mokokchung nung “Eradicate Corruption-Build a New India” omen nung ajemdaker Vigilance Awareness Week amongtsü, ta ketdangsertem osang ka ajanga metetdaktsü.
Iba sentong nung o jembitsü atema tejaokerji Mokokchung Deputy Commissioner, Sachin Jaiswal, IAS asütsü aser Vigilance Commissioner, Mayang Lima-i okila jembitsü.
Iba anogomong sentong nung “It is possible to eradicate corruption from the Naga Society” onük nung ajemdaker School tem tsüngda o toktepba sentong alitsü. Iba dak alia administration pledge agitsü aser Nagaland Angh den Chief Minister nati abenba osang zünga metetdaktsütsü.