Rijiju-i Nagaland cabinet senden nung adentsü

Kohima, Mongputeni (October) 26 (Agencies): November 9 nü Kiphire nung Nagaland cabinet senden amendang Union minister of state for Home, Kiren Rijiju adentsü.
Iba atema Kiphire district administration-i, station nung maliba department tekolaktem dang Hombar tashi nung arutsü aser tongtipang senden asoshi renemtsü tetuyuba agütsü.
Yashi district administration-i department tekolaktem aser sendaktepa alirtem den coordination senden ka amen. Iba senden nung mendenji ADC Reny Wilfred liasü.
Cabinet senden matem tashi Kiphire nung ketdangsertem District administration dang nungi temelaba magii tangalen aotsü memelar, ta osang ka metetdaktsü.
Pei department temi Director aser Secretary tem anendak anepalutsüla ta senden nung Wilfred-i metetdaktsü.
Paisa department tem dang pei pei ketdangsertem indang tenüng district administration ket nung agütsütsü atema metetdaktsü.