NE state 4 nung tzünglu kanga arutsü

Guwahati, Mongputeni (October) 28 (Agencies): Northeast state kübok state pezü nung tzünglu kanga arutsü ta Skymet Weather ajanga tanü metetdaktsü.
Taruba ghonda 24 tsüngda Tripura, Manipur, Mizoram aser South Assam nung tzünglu kanga arutsü. Ajisüaka, tanüngba state tem den Sikkim o West Bengal nung tzünglu terara arutsü, ta parnoki ashi.
Honibarnep 8:30 ako nungi tenzüker tesüiba ghonda 24 tsüngda Lengpui nung tzünglu 62 mm, Kailashahar nung 59 mm, Silchar nung 46.2 mm, Aizawl nung 30 mm, Imphal nung 4.2 mm, Kohima nung 1.2 mm aser Cherrapunji nung 0.6 mm aruogo.
Tamil Nadu tzükümlen nungi Odisha tzükümleni mopung aoner aser kasa mapang South Assam aser temeket nung mopung ondar, ta Skymet Weather-isa metetdaktsü.