Manipur state yimtiba aser tenemlen tsüngda helicopter service tenzük

Imphal, Mongputeni (October) 30 (Agencies): Manipur State yimtiba Imphal aser tenemlen aliba jilatem atema helicopter service Hombarnü tenzükogo.
Imphal International Airport nung Manipur Heli-Service indang ticket counter lapokba sentong nung Manipur Chief Minister N Biren Singh den Revenue Minister Karam Shyam, Tribal Affairs & Hills Minister N Kayisii, Agriculture Minister V Hangkhanlian, MLA tem aser ketdangsertem aden.
Iba ajanga Myanmar aser Tamenglong tsüngda aliba Moreh jila asoshi mezüngbuba helicopter service tenzükogo. Moreh ya hill station aser district headquarters ka lir.
Tamenglong tashi helicopter services senzütsü aser Churachandpur, Senapati o Ukhrul tashi senzütsü atema sendaktepa alirtemi olemteptsü, ta Biren Singh-i ashi.
Noida nung amenoka aliba Pawan Hans Limited-i helicopter service ji tenzüker aser Manipur asoshi parnoki nisung 8 amenba helicopter ka amshir.
Maneni, Imphal nung aliba RIM hospital indang complex nung ita ka ser tesadang tashi nung helipad yangluba sülen Flying Doctors (air ambulance service) tenzüktsü, ta Manipur chief minister-isa metetdaktsü.
Helicopter service ji Deobar aser sodi anogotem dak alaka tanüngba anogo ajak nung senzütsü aser nisung shia sen 2,000 taa agitgsü. Ajisüaka, Manipur nung benjung tulutiba Ningol Chakkouba amungtsü aliba ajanga November 7, 9 aser 10 anogotem sodi anogo masütsü.