Nagaland-i Ranji Trophy ayongtsü renema lir

Dimapur, Mongputeni/October 30 (TYO): Dimapur kübok Nagaland Cricket Stadium, Sovima nung Yimpoksüi/Nov. 1, 2018 nü nungi tenzüka Nagaland-i Ranji Trophy cricket asaya pezü tashi ayongtsü atema ternemba lir.
Iba asayamung mezüng asaya Yimpoksüi 1 nü nungi tenzüka 4, 2018 nü tashi Mizoram den asayatsü.
Tanga state ama Nagaland Cricket Association-i iba asaya ayongzüktsü atema temulungtetba lir.
Nagaland nung mezüng first class cricket asayatsü atema NCA-i Nagaland team sangdongogo.
Nagaland team nungi asayartem tenüng yamai alitsü: Jonathan Rongsen (C), Hokaito Zhimomi, Tahmeed Rahman, Mughavi Wotsa, Inakato Zhimomi, Imliwati Lemtur, Paras Sehrawat, Jalaluddin, Toni Chishi, Sedezhalie Rupreo, Nitesh Lochab, Santosh Mahato aser Rachit Bhatia.
Guest player temji KB Pawan (wk), Abrar Kazi aser Pawan Suyal nunger asütsü.
Teyarir staff tem Kawaljeet Singh (Coach), Dinesh Suvarna (Trainer), Mowalong Kichu (Physio) aser A Rahman (Manager) nunger asütsü.
Yimpoksüi 1, 2018 nü mezüng asayaji Nagaland Chief Minister, Neiphiu Rio den külemi Cabinet tem aruagi reprangtsü.
Iba asaya nung BCCI, Acting Secretary Amitabh Choudhury, BCCI General Manager, Sayed Saba Karim aser Assam Cricket Association, General Secretary, Pradip Buragohain nunger arua adentsü.
Nagaland Cricket Stadium, Sovima nung Yimpoksüi 1, 2018 nü Chief Minister, Neiphiu Rio-i iba ‘Player’s Pavilions’ lapoktsüba sülen anepdang 8:00 ako nungi asaya tenzüktsü.
Nagaland Cricket Association-i, Nagaland nung Yimpoksüi 1, 2018 nü nungi tenzüka mezüng Ranji trophy asaya reprangtsü atema cricket sapurtem ajak pelashishia jaoker.

Nagaland Cricket Stadium nung asaya yamai alitsü:
* Nagaland Vs Mizoram – November 1 nungi 4
* Nagaland Vs Sikkim – November 12 nungi 15
* Nagaland Vs Manipur – December 6 nungi 9
* Nagaland Vs Arunachal Pradesh -December 30 nü nungi
January 2, 2019 nü tashi.