24buba Classic Cup Nov 2 nü tenzüktsü

Kohima, Mongputeni/October 30 (TYO): Classic Club Kohima-i ayonga 24buba Classic Cup Yimpoksüi/Nov 2 nü nungi 19 tashi asayatsü. Iba asayamung ya “Live it Up” omen nung ajemdaker Kohima Local Ground, Khuochiezie nung asayatsü.
Asayamung akoker nem senpet sen lakh 1.5 aser tanabuba jenjang nung takok angurnem sen 80,000 agütsütsü. Iba dak alia ano jurila sempet balala agütsütsü renema lir.
Taküm iba asayamug nung team ajak agi 23-i shilem agitsü. Team tem rongnung; Kohima Bible College, Brotherhood FC, Deja Vu Edition FC, Samaritan FC, Young Komet FC, Naga Jaguuars FC, Headhunter, Kohima Royal Kicks, Zhadima Jr FC, Phoenix FC, Chizami United FC, Fore Runner Thizama, Elite Brothers, Phezoucha YO, Kohima Eagles FC, Tiema-khe, Kijiimetouma, VSU, Kiiliiopfii FC Pochury, Chedema VYO, The Quakers FC, King’s FC, Ethereal FC aser United VNS Dimapur densema lir.
Kasa mapang nung annual Challenger Cup 2018 Yimpoksüi/Nov 18 nü Kohima Press Club aser Classic Club na tsüngda asayatsü.