Nyenshen FC Loyem Memorial final-i iogo

Tuensang, Mongputeni/October 30 (TYO): Sangtennü 26buba Loyem Memorial Trophy semifinal mezüngbuba asaya nung Nyenshen FC-i goal 4-1 agi Vetao Aye FC madak takok ngua final-i iogo.
Asaya tanabuba shilem nung Imlong Chaba teyari ajanga Nyenshen FC pur final nung asayatsü asoshi jenjang ka ngutetogo.
Asaya nung mezüngbuba goal Nyenshen FC nungi asayar Rabindra-i minute 38buba nung idaktsü aser iba sülen Imlong Chaba-i minute 59 aser 72buba nung goal ana idaktsü aser asaya tatemi Aloumai-i goal pezübuba idakja parnoki asaya kokogo. Asaya nung Vetao FC pur atema goal ka ya Muthiu-i minute 63buba nung idakja liasü.
Rasemnü semifinal tanabuba DEF Tsg aser Sangzi FC na asayaba sülen takoker den Nyenshen FC pur final asayatsü.
Rasemnü semifinal tanabuba asaya: Sangzi FC vs DEF Tsg @ 1:00 p.m.