North Eastern Council nung Vigilance Awareness sentong aka

Dimapur, Mongputeni/Oct. 30 (TYO): “Eradicate Corruption-Build a New India” omen nung ajemdaker Vigilance Awareness hopta mezüngbuba sentong Mongputeni/Oct. 29 nü North Eastern Council, Shillong nung kaogo. Council kübok inyakertem ajak NEC IA & AS Planning Adviser, C.H. Kharshiing-i achaayanga vigilance tenangzüktepba agia liasü.
Sentong nung o jembidang C.H. Kharshiing-i ashiba agi, “Central Vigilance Commission tetuyuba nung NEC pur iba hopta amungtsü asoshi renemogo. Council-i Vigilance Awareness Week atema sentong balala agi tenzükogo. Iba sentong ya department ajak nung inyaker aser kinungrtem shilem agidaktsütsü asoshi ayong. Maneni iba sentong ya mapa balala inyakyim ajak nung ochishiba, integrity aser moral values nunger amala yimya benoka inyaktsü atema rangloker agir, ta DIPR, NEC sangdong ka ajanga metetdaktsü.