Dimapur Traffic Police-i sangdonger

Dimapur, Mongputeni/October 30 (TYO): Tang teyanglushidak National Highway 29 dak sendakba nung Dimapur Traffic Police-i tata gari aser tanga gari tulu kiburtem dang Purana Bazar nungi Chumukedima tsüngda lenmang yanglushia aliba tesem nung gari kanga mazüngi senzüba mapang nung item garitem anena mayutsü asoshi metetdaktsüogo.
Kasa mapang nung gari senzüsenpongba nung kecha tetsükdaktsü madoktsü mechi iba tesem nung senzüba Towing/recovery van agencies tem danga pei tata Traffic Zone Officers (ACP/O.C Traffic Zone – II (1) 7085055015 (2) 7085055029) ket nungi temelaba meshitsü asoshi metetdaktsüogo.
Maneni tetsüng ana adenba gari anishirtem ajak dang helmets semer anishitsü asoshi tetuyuba agütsüogo. Tetuyuba sülen manidakertem nem pei dak apet temerenshi agütsütsü, ta Addl. Dy. Commissioner of Police/PRO sangdong ka ajanga metetdaktsü.