8buba Phom Gazetted Officers’ Association senden kaogo

Dimapur, Mongputeni/October 30 (TYO): 8buba Phom Gazetted Officers’ Association General session, Mongputeni/October 26 nü Yachem Gazetted Officers’ temi ayonga Longleng kübok Yachem yimtsüng Langto park nung kaogo.
Sentong nung o tatsüka jembidang Health and Family Welfare Minister, S.Pangnyu Phom-i iba lokti tentetertem tenüng asang. Paisa officer tem dang pei mapa nung temulung agüja inyaktsü asoshi ajungshi.
‘Visionary leader’ onük nung ajemdaker taoba NBCC mendenpuba Rev. Dr. L. Anjo Keikong-i jembi. Pai nükla aketba lennir ka dak lokti ajungkettsü atema shisatsü aser tangazükba alitsüla ta ashi. Paisa parnok dang technology aser mapang melenshiba den meneptepa aintsü asoshi ajungshi.
Maneni sentong nung PPC tir B. Chingan Phom-ia o tatsüka jembia liasü. Lokti pelaa agizükba o Yachem village Council-i agütsü aser Yachem Students Union-i ken ka aser Yachem Anuti lunglak-i tetsütebou ken tajung ka aten.
Iba sentong magidang PGOA tir B. Nyenghong-i Yachem yimtsüng ya Green Plastic free aser Organic Village ka asütsü sangdong aser H&FW, Minister S.Pangnyu Phom aser Rev.Dr.Anjo Keikong nati tamaitsü süngdong temja liasü.