Chega Gadi/Lamsimngi benjong nung Yepthomi aden

Dimapur, Mongputeni/October 30 (TYO): Chega Gadi/Lamsimngi Mini Hornbill Cum Naga King Chilly festival tananü buba, Mongputeni/October 30 nü Tourism, Art, & Culture Advisor, Khehovi Yepthomi tetushi tesemdanger ka ama denogo. Pa den külemi pa kinungtsü, Water Resources Advisor, Namri Nchang, lokti tentet balala lennirtem aser sorkar ketdangsertem dena liasü.
Sentong nung ZB (N) tir Rangsam-i lokti pelaa agizükba o jembiba den Chega Gadi/Lamsimngi indang rasaa shia liasü. Maneni sentong nung Keyichitube Nza-i ken tajung ka aten aser Tening cultural troupe aser Nsong cultural troupe-i sobaliba saya balala sayaa liasü, ta DPRO sangdong ka ajanga metetdaktsü.