Dmr nung shishilembar ajak rally nung adentsü ayongzüker

Dimapur, Mongputeni (October) 30 (TYO): Public Action Committee (PAC), Naga Council, Dimapur-i Khermahal Junction nung rally ayongzükba nung shishilembar ajaki shilem agitsü mepishir, ta Dimapur Chamber of Commerce and Industry (DCCI)-i metetdaktsü.
Telok balalai ozüng alema tax saruba anema iba sentong agitsü ayonger. Iba khuret ajanga shishilembar aser sensotem timtemer, anungji Dimapur nung aliba shishilembar ajaki adentsü mepishir, ta DCCI-i ashi.
PAC posemba sayutsü aser rally nung longsolongsoa adentsü atema DCCI-i asüng anüngdang 12:00 ako tashi dokantem melapoktsü mepishir, ta parnokisa shisem.