Meshitettsü aser Yok

Ochi nung parnok meshitetjang: Ne O ochi lir. Nai kechi koda alimai ni yok, yamaji Nia parnok alimai yoker. Yohan 17:17-18.
Tsüngremi teti na meyokdang tama meshitettsür. Tebui nütsüng tera ana shimtet aser temeshi ochi, Pa jabaso ajanga meshitettsü. Parnok Yisu den sendaktepa ali nung ochi agi (Yn. 14:6) nütsüngtemi ochi ajanga aser osangtajung sayutsüngitsü asoshi renemtsü. Yisui parnok tejangraba jazük (challenge) (Luke 9:46-48), parnok tamang ilaba indang ashi (Matt. 17:19-20), Satan arutsü (Matt. 16:23), aser parnok asükümba aitsü (Matt. 26:33-35). Kodang Yisui parnok renemtsüba atema alimaji aki ama malitsü saka melenshidaktsütsü ain agütsür Pai parnok alimai yok. Temeneni Tsüngrem tsüngdang na tamakitsü kümdaktsür ta Satani puatsü akok. Tiyazü tulu nungi ibaji tiyazü aruba asütsü. Nai temenen menali Tashioktsübai “Nai tamakok nguogo. Na tang joko Tsüngrem tsüngdang takidak maka” ta ashitsü. Iba yagi Khristan ka dangi tamakokji tali shisanga aser tali teyimla makaba kümdaktsütsü. Aji saka, Tsüngrem tanela ka nüji kümdaktsüba kecha dena medemdangtsü makok. Kodang Tsüngremer nüburi Tsüngremer ochibaji Tsüngrem mulungba nung ayutsü mulungtetdir, idangji Tsüngrem ainji mezüng nütsüngtem nem agütsüba ama parnok ajanga kasa yoktsü.
Ochibai na nüji kümdaktsütsü. Ochiji “Asenoki asen temenen nangzükra, asenok dang asen temenen adoktsü aser memeshiba ajak nungi asenok merükdaktsütsü, Pa temulung lemtetba aser ochi lir” (1 Yn. 1:9), aser asenok Tsüngrem asoshi alitsü agizüker.