Hornbill Festival 2018 nung Artists Corner lapoktsü

Dimapur, Yimpoksüi/Nov. 01 (TYO): Department of Art and Culture ajanga Luchii/December 1-10, 2018 anogotem nung Hornbill Festival mapang Kohima aser Dimapur nung Artists Corner ayongzüktsü. State nungi artists tem pei luyim ajungkettsütsü nükjidong nung iba corner nung art work sayutsü aser ayoktsü, painting competition aser art talk amala alitsü.
Iba sentong nung shilem agitsü tejangrar artist temi Directorate of Art & Culture (Art wing) nung office mapang Yimpoksüi/November 20, 2018 tashinung pai sasa yanglutetba mapang timba agi pezü (40 tashi agütsütsü metetdaktsü. Iba sentong dak sendakba osang tejangja metettsü asoshi Art wing No. 9856071776/9862666533 nung tongteprateptsü akok.