Treasuries & Acct Dir. nung Biometric Attendance system tenzükogo

Yimpoksüi/November 01, 2018 nü Directorate of Treasuries and Accounts, Kohima nung Principal Director, Treasuries & Accounts Department, K.V. Tiayanger Tzudir-i Aadhar based biometric attendance system tenzüktsüba noksa nung angur. Kohima, November 01, 2018.

Kohima, Yimpoksüi/November 01 (TYO): Yimpoksüi/November 01, 2018 nü Directorate of Treasuries and Accounts, Kohima nung Principal Director, Treasuries & Accounts Department, K.V. Tiayanger Tzudir-i Aadhar based biometric attendance system tenzüktsüogo, ta ketdangsertem osang ka ajanga metetdaktsü.
Directorate nung ketdangsertem aser staff tem den shisa lemsatepba mapang nung Principal Director, Tiayanger-i, Treasuries & Accounts ya akhümket Department ka lir aser nüburtemi kanga imlar, anungji Department-i sorkari latettsüba temzüngtem benshia mapangshia jenjang tajungba akumtsü merangtsüla, ta ashi.
Paisa, asükwa aser meiwa naprong office mapangji anepdang 9:30 ako nungi nikongdang 4:00 ako tashi lir; yamaji ketdangsertem aser staff temi biometric attendance system (BAS) inyakyim shidak benshitsüla aser ibaji ajanga tanga departments dang tatishitsü tajung sayutsüla, ta ayongzük.
BAS tenzükba ajanga sorkar mapa inyakertemi mapang amshia mapai nendaka aotsü imlar, ta paisa shisem.
Paisa IT Dept-i BAS inoktsüba aser takok ngua iba inyakyim tenzükba atema pelaba lemsatep.