BJP-i MP, Telangana, Mizoram elections atema candidates tenüng sangdong

New Delhi, November 02 (Agencies): Tanü Bharatiya Janata Party-i Madhya Pradesh, Telangana aser Mizoram nung November 28, 2018 nü agitsü aliba assembly elections atema mezüngbuba tarensen nung candidates 229 sangdongogo.
Item rongnung Madhya Pradesh nungi candidates 177, Telangana nungi candidates 28 aser Mizoram Assembly elections atema tenüng 24 densema lir.
Yasüng tesü BJP National Tir, Amit Shah leniba nung BJP party Central Election Committee senden amenba sülen tanü BJP-i candidates tenüng sangdonger. Iba senden nung Ato kilonser, Narendra Modi-a dena liasü.
Madhya Pradesh Chief Minister, Shivraj Singh Chouhan-i Vidhisha district kübok pa teti toktepba menden- Budhni Assembly constituency nungi tokteptsü, ta party-i metetdaktsü.
Tang state nung MLA aser Minister teinyakdak, Maya Singh nembo party ticket magutsür.
Madhya Pradesh nung assembly menden 240 lir, aser iba state nung taoba elections asembenren tashi BJP-i takok ngua aruogo.
Telangana nung assembly menden 119 lir aser iba state nung TRS-i tang agi tanabenbuba election nung takok angutsü meranger. Mizoram nung assembly menden 40 lir aser iba state nung tang Congress Party sorkar tashi nung lir.
Madhya Pradesh elections nung menden 230 nungi Congress-i menden 122 nung takok angutsü, ta asadangteta lir.
Item state nungi December 11 nü vote zünga election osang sangdongtsü.