High Court Chief Justice 4-i SC judge atema tenangzükba agi

New Delhi, November 02 (Agencies): Tanep high court chief justice pezüi Supreme Court judge inyaktsü atema tenangzükba agiogo.
Justices- Hemant Gupta, Ajay Rastogi, M R Shah aser R Subhash Reddy nunger tanep 10:30 ako meta Chief Justice Ranjan Gogoi’s court nung tenangzükba agi.
Tanü SC nung judge pezü züngoksemba sülenbo Supreme Court nung judge ajak agi 28 kümogo.
High court chief justice pezüji SC judge shimtsü atema yakünü Centre sorkar benoka liasü, iba sülen ghonda 48 tsüngda ibaji agizük.
Justice Gupta ya tang Madhya Pradesh High Court nung Chief Justice lir aser Justice Rastogi ya Tripura High Court nung Chief Justice lir.
Yamaji Justice Shah ya tang Patna High Court nung Chief Justice teinyakdak lir aser Justice Reddy ya Gujarat High Court nung Chief Justice teinyakdak lir.
Taküm SC nung judge ana- Justices Madan B Lokur aser Kurian Joseph na mapa nungi anisüngzüktsü aser Justice A K Sikri-a sangküm March ita nung judge nungi anisüngzüktsü.
Justice Gupta ya 2002 küm Punjab High Court judge aser 2016 küm Haryana High Court judge shima liasü, iba sülen Patna High Court-i transfer süa 2016 küm October 29 nü Acting Chief Justice shim.
2017 küm March 18 nü pa Madhya Pradesh High Court Chief Justice shima liasü.
Justice Rastogi ya 2004 küm Rajasthan High Court nung judge shim aser yangjisa Acting Chief Justice shim. Tripura High Court Chief Justice inyaktsü atema taküm March 1 nü pai tenangzükba agia liasü.
Justice Shah ya 2004 küm Gujarat High Court judge shim aser taküm August ita nung Patna High Court Chief Justice inyaktsü atema tenangzükba agia liasü.
2002 küm Justice Reddy Andhra Pradesh High Court nung additional judge shima liasü aser 2016 küm Gujarat High Court nung Chief Justice shim.