Mokokchung nung Old Age aser Widow Pension atema sangdonger

Mokokchung, Yimpoksüi/November 02 (TYO): District Welfare Officer, Mokokchung, Bendangkokba-i National Scheme (NSAP) kübok Old Age aser Widow Pension agir pensioner ajak dang, 2016-17 küm atema ita 9 indang sanction süogo, ta metetdaktsü.
State scheme kübok Disability aser Blind Pension atema 2017-18 küm asoshi ita 12 indang sanction süogo aser item senji November 6, 2018 nungi December 6, 2018 nü tashi District Welfare Office, Mokokchung nung office mapang nung agutsütsü, ta paisa metetdaktsü.
Tajangzük angutsüpurtemi peipei VVC/Pastor nungi agizükba Life Certificate agutsütsüla, iba dak alia Aadhaar aser Bank Account magutsüi alirtem danga sen agizükdang ibaji agutsütsü metetdaktsür, ta kasa osang nung shia lir.
Pension ji Tzükong/Yim/Ward sasep nung yamai agutsütsü:
Mokokchung Town nung November 6 nungi November 9 nü tashi, Ongpangkong nung November 12 nungi November 17 tashi, Asetkong nung November 19 nungi November 20 tashi, Langpangkong nung November 21 nungi November 28 tashi, Jangpetkong nung November 29 nungi November 30 tashi, Japukong nung December 3 nungi December 5 tashi aser Tsurangkong nung December 6, 2018 nü agutsütsü.