BJP state tir-i Diwali benjong salem lemsatep

Dimapur, Yimpoksüi/November 6 (TYO): Nagaland Bharatiya Janata Party (BJP) tir, Temjen Imna den külemi ketdangsertem ajak aser BJP lennir & Deputy Chief Minister Y.Patton o BJP MLA temi Hindu nunger tesangwa benjong; Diwali tepela salem lemsatepogo.
Diwali benjong ajanga “tesangwai tamang koktetba, tajungi tamajung koktetba aser shisatsü agi mashimaluba koktetba” ateshir aser yamaji taküm iba benjong ajanga tulusang tesangwa jangrudakja nisung ajak mulungjang sangwadaktsüba den kibongshia dangi tepela aser lokti ajak tsüngda tesendaktep tajungba kümdakjang, ta BJP puri sarasadema ataba sangdong ka ajanga lemsatepa liasü.