Chief Minister-i GPS Mapping sentong amenoktsü

Dimapur, Yimpoksüi/November 6 (TYO): Record tem computerize aser digitize asütsü asoshi School Education Department-i kanga tongtibang jenjang ka agia Yimpoksüi/Nov. 5 nü Chief Minister, Neiphiu Rio-i Government School ajak atema GPS Mapping aser Personnel Location System (PLS) sentong amenoktsüogo.
Iba jenjang tajung agiba atema department tenüng asangba den Chief Minister-i, Department dang school ajak nung Visitors’ Book ayutsü shidangogo, kong school semdangba ketdangsertemi parnoki school semdangba osang zülua toktsütsü. Iba sülen osang ya digitize sütsütsü aser MLA temi osang ya asadanga pei constituency nung school tem jenjang tejangjaba metettsü.
Tang GPS & PLS information ya online nung http://.dose-ngl.com ajanga angutsü. School ajak indang GPS coordinates ya Google Maps nung pin aser mark süa lir aser iba den enrolment, aser classrooms, power & water connection, metsümeshidak aser asayaba moapu dak sendakba nung osangtema angutsü. Manei iba den külemi teaching aser non teaching staff tem noksa dena parnok indang osang tejangja angutsü.
Department-i takok tashi osang shidak aser tejangja agütsütsü asoshi inyaktsü aser website nung comment module ajanga nüburtem tebilemba lemsatepba pelashishia agizüktsü, ta DIPR sangdong ka ajanga metetdaktsü.