Nagaland Governor-i Diwali salem metetdaktsür

Dimapur, Yimpoksüi (November) 6 (TYO): Nagaland Governor PB Acharya aser pa kinungtsü Kavita Acharya nati Nagaland nung alirtem dangi Diwali salem aben.
“Diwali ya tesangwa indang benjung lir aser iba ajanga asenok tammang nungi tesangwaleni aotsü ajungmesor” ta PB Acharya-i sangdong ka nung ashi.
“Asenoki aria bilemba, temeim aser ochishia aliba milentem tsülokdi. Asenoki loktiliba nung temenentem anema raratsü bangzüngdi aser yimjung den adianu ama alitsü tangatetba ajungketdi” ta paisa ashi.
Prime Minister Narendra Modi lenisüba kübok asenoki New India ka yangertsü atema merangdi. Asenok India nunger asüba atema nüma tangdi. Central aser State Government Welfare Project tem tangutsüpur atongtsü atema asen Rejutem ya Nodal Agents kümdaktsüdi, ta Acharya-isa ayongzük.
Look East & Act East, Make in India project amalatem ajanga North East NAMASTE State tem tashi itshitsü alizüng asenoki angatetdi, ta paisa ashi.
Governor-isa pollution-free Diwali amungtsü atema mepishia metetdaktsü.