Kma nung Market-Led Extension sentong agi

Kohima, Yimpoksüi/November 07 (TYO): Yimpoksüi/November 6, 2018 nü Nagaland state agriculture marketing Board (NSAMB) kübok Agriculture Produce Marketing Committee (APMC) Kohima den Directorate of Sericulture, Directorate of Fisheries & Aquatic Resources senpeter Local Ground, Kohima nung market -led extension sensitization programee den sales day agiogo, ta keytdangsertem osang ka ajanga metetdaktsü.
Iba sentong tetenzük nung jembidang KMC Administrator, Kovi Meyase-i aluyimertem dang taküm anema alitsü atema organic aonsotsü aika tsünütsü metetdaktsü.
Paisa aonsotsü ayokertem dang Kohima yimti lenmang nung yokyakyokchi masütsü mepishia metetdaktsü.
Kasa sentong nung Asst. Chief Technical Officer, KVK Kohima-i aluyimba tsütsü Market – Led Extension inyakyim benshitsü, information technology amshitsü aser tajkangzük aketba aonsotsütem ajungkettsüba tesayuba agutsü.
Iba sentong nung Kohima district kübok yim 18-i shilem agi aser sentong nungsa aonsotsü tetoktepba agia telemsa balala nung takokertem nem senpet den certificates lema agutsü, ta kasa osang ajanga metetdaktsü.