2020 küm tashi nung NH-2 Botsa-Wokha two-lane lenmang renemtsü

Kohima, Yimpoksüi/November 07 (TYO): Tanü Deputy Chief Minister aser National Highways incharge, Y Patton-i ajungbena NH-2 nung tang teyangludak two lane gari lenmang semdanga liasü, ta tanü ketdangsertem osang ka ajanga metetdaktsü.
Deputy CM-i D K Engineering Consortium Private Limited Firm nung Project in-charge General Manager, Ajay Kumar den o lemtep aser firm dang tekaraba nung iba lenmang ulushia yanglutsü mepishi. Deputy CM-isa, NH-2 ya tongti Highway rongnung ka lir aser state nung district aika atema rongenkettsüng lenmang lir, ajisüaka lenmang majungba agi nüburtemi mejembitetba timtem aika ajurudar, ta ashi.
Iba dak sendakba nung General Manager-i Deputy CM dang iba lenmangji 2020 küm tashi nungbo renemtsü, ta metetdaktsüogo.
NH-2 nung Kohima district kübok Botsa nungi Wokha jila tashi nung kilometer 32.4 lir.
Kumar-isa, gari lenmang atuba maparen yaküm December 7 nü tenzük aser 2020 küm December 6 nü tashi nungbo tembangtsü atemzüka lir, ta metetdaktsü.