Finance Commission-i state semdangtsü aliba atema senden ka ayongzüker

Kohima, Yimpoksüi/November 08 (TYO): Fifteenth Finance Commission of India-i November 27-29, 2018 anogotem nung Nagaland semdangtsü, aser iba mapang nung parnoki yimtenren party tem den senden amentsü, ta tanü ketdangsertem osang ka ajanga metetdaktsü.
Iba dak sendakba nung Finance Department-i November 12, 2018 anepdang 10:30 ako nungi tenzüka Conference Hall, Nagaland Civil Secretariat, Kohima nung yimtenren party ajak den külem senden ka ayongzükogo, anungji yimtenren party shia nungi züngsem anana yoktsü mepishia metetdaktsür, ta kasa sangdong nung shia lir.