Mon district Lotha Hoho-i Tokhu Emong among

Yimpoksüi/Nov. 07, 2018 nü Mon district Lotha Hoho-i  SDO (C) Hq Mon, Chumlamo Humtsoe’er kidang Tokhu Emong benjung ayongzüka amongba mapang tangokba noksa nung angur. 

Mon, Yimpoksüi/Nov. 08 (TYO): Nov. 7 nü Mon district Lotha Hoho-i SDO (C) Hq Mon, Chumlamo Humtsoe’er kidang Tokhu Emong benjung ayongzüka mongogo.
Iba sentong nung jembidang Chumlamo-i tejaokertem pelaa agizük aser par nüburtem den benjung salem lemsatep.
ADEO Mon, Lissumo Ezung-i benjung ratet metetdaktsü. Kasa sentong nung Dr. M. Libanthung Ngullie, Principal, Wangkhao College, Mon aser SP Mon nati jembi.
Sentong nung 13th AR Commandant, ADC Mon, Office balala nung tekolakpurtem aser ketdangsertem dena liasü.
Pastor LBC, Mon, Yibemo Kithan-i Tsüngrem temoatsü meshia sarasadem. Iba sentong ya Yanithung Ngullie SDO(C) Mon leniba nung agi aser T.A Ngullie-i tepela anküp o jembia liasü.