Taküm O

Aser parnok o parnok na jembitepa ashi, lenmang nung pai asenok den jembia Laishiba ratetta sayudang, asenok temulungjang marong ama ? Luke 24:32
Yisui Pa nendaka bushir den aden. Nisung ana Emmaus lenmang nung Yirusalem nung atalokba süngmanga jembitepa jaja. Parnok anogo nung atalokba parnoki angatetogo ta bilem saka Yisu asüba ajanga Tsüngremi parnok lima nung inyakba mapa parnoki mangatetti aküm. Yisuji Messia ta parnoki imla saka Pa asüba ajanga parnok süngmang aser tasü meiti aküm. Parnoki telangzüba nüngdak.
Tsüngremi temulungjang repranger aser Pai mulungba ochi shia bushir Pa chirtem Pai metetter. Yisui item nisung anasa ao , parnok den jaja aser Laishibai kechi ashir aser kechi atalok aji angatettsü parnok temulungjang lapoktsü. Yisui jembidang parnok temulungjang nung arong. Yisui Lai nungi jembidang parnoki kechi ajangshi iba den medemdangdang, parnoki Tsüngrem O angar ta parnok mulung nung metetta aru. Parnok terata sama, tepela agi asüng aser parnok tembartem den ochibaji lemsateptsü meyipa aru.
Na tensa tia agi ratadakja lira, Yisui item nisung ama dang inyakba ama Pai Laishiba ajanga ne terata ajak angatetdaktsütsü. Nisung tsütsü nungi tiaji tebangkatsü asütsü aser tasü maitsü asütsü aser tasü maitsü asütsü akok. Laishiba ochibaji angatettsü asoshi Yisu atenba nüngdaker. Ne tensa mapang agi na ratadakja lir asü? Yisui anguba ama angutsü asoshi na Yisu nüngdaker. Nai ken Yisu nungi angashira na item nisung ana ama ya akümtsü, Tsüngremi kechi inyaker iba nung adentsü aser tepela agi nai ajuruba Tangartem den lemsateptsü.