Zendure-i 20000mAh X6 power bank sangdongogo

Yimpoksüi/November 09 (Agencies): Kanga dang yongya-ataba power bank tasen ka Zendure-i sangdongogo.
X6, ta nüngja agütsüba power bank nung 20,000 mAh backup battery inoka yanglutsü. Device tapu balala kara charge asütsü atema, iba power bank nung PD technology keta aliba angutsü.
Power bank nung output ji 45W aser 20V tashi asütsü. Nintendo Switch, iPhone X mesüra MacBook Air device tem X6 yagi ayonga kara charge sütsür.
Iba den külemi device nung keta aliba PD technology port ya input ka ama asütsü. 45W aketba X6 power bank ya ghonda asem tsüngda full charge asür.
45W PD output den bendenloksema, X6 nung standard USB-A output asem keta aliba angutsü.
Item output ajanga 2.4A/12W agütsür aser Quick Charge 3.0 output yagi 18W tashi voltage aser maximum output agütsür.
Battery tashi tulu keta liaka, tanga power bank den medemdangra, X6 ya kanga agi tilaba aser tepungba lir.
Shishilembadak tanga power nung keta maliba feature tem X6 nung angutsü. Iba power bank nung ‘UPS function’ aser ‘X-Charge low-power mode’ feature keta alibaji asütsü.
Iba feature ana den külemi power bank nung ‘X-Charge function’ keta aliba angutsü. Iba yongji X6 ya smartwatch, Bluetooth earpiece, fitness band aser tanga product ajak den putepba amshitetter.
Zendure X6 power bank ya Amazon ajanga sen 8,723 agi angutsü.