Ranji Trophy: Nagaland aser Sikkim na asaya osang

Dimapur, Yimpoksüi/November 12 (TYO): Ranji Trophy Palate Group tanabuba asaya nung Nagaland team tang Sikkim den tasayadak lir. Tanü asaya nung toss akokba sülen Sikkim captain-i Nagaland team mezüng bat südaktsüba sülen Nagaland team atema takoksa tulu ajurua mezüngbuba over nung openers Sedezalie aser Nitesh naprongla out süadok.
Iba sülen nagaland team nungi asayartemi junga masayateti wicket tem kanga kara out süadok aser mapang ka nungbo Nagaland team nungi asayar 7 our sür run 74 dang yanglur liasü.
Captain Jonathan Rongsen (86) aser all rounder Tahmeed Rahman (33) nati Nagaland team run 141 tonga ani aser iba sülen Thameed out süadok.
Tahmeed out asüba sülen run 159 aliba mapang Jonathan dena out süadok. Nagaland team-i run 157 dang yanglur ajak out süadok.
Asaya tanabuba shilem nung Sikkim puria asaya kanga jungabo metenzük aser parnok run 30 yanglur aliba mapang wicket 4 bo tuguadoker liasü. Ajisüaka Milind aser Ashish na senteper run 90 yanglua Sikkim pur wicket 5 out sür run 120 buba nung asaya mezüngbuba anogo tembangogo.
Sikkim pur asayar ponguprongla ya Nagaland nungi bowler Pawan Suyal-i out sütsü.
Score: (Day-I)
* Nagaland-179 all out, 52.5 overs (1st innings)
* Jonathan run-86, Tahmeed Rahman run-33
* Sikkim: Ishwar Choudhury wicket- 4, B B Sharma wicket-3 aser Milind wicket-2
* Sikkim-120 for 5; 35 overs (1st innings)
* Milind run-78 n.o. Ashish run-17
* Nagaland, Pawan Suyal wicket-5.