Classic Cup: Deja Vu Edition semi-final-i iogo

Deja Vu striker Yhunshalo Kemp-i  Naga Jaguars den asayaba mapang goal nung ball tongoktsütsü merangba mapang tangokba noksa nung angur.

Kohima, Yimpoksüi/November 12 (TYO): Tang tasayadak 24buba Classic Cup tanü asaya nung Deja Vu Edition Football Club pur atema striker Yhunshalo Kemp-i goal ana idakja par telok takoki aniogo. Iba asayamuna ya Classic Club puri ayonga Kohima local ground nung asayadaki.
Quarter final asaya mezüngbuba Déjà vu aser Naga Jaguars FC na kanga toktepa asayar Déjà vu puri goal 2-1 agi kokogo.
Déjà vu team puri asaya tenzükli nung attack süa tenzük aser minute 3 tsüngda Khangatar-i goal ka idaktsü saka assistant referee-i offside pua iba goal magi. Iba sülen minute tsüngda defender Achan-i goal nung ball kangajunga metsüoktsü saka Naga Jaguars goal keeper Neiphrezo Kire kanga kümküma aliba ajanga ball kanga junga nokdanga liasü.
Asaya nung minute 7buba nung Naga Jaguars nungi asayar Ato D Vadeo-i tachichilem nungi ball kanga junga pass asü saka Efurang Zeliang-i iba ball goal nung minoktsüteti liasü.
Maneni minute 33buba nung Khangatar-i goal tazüng ka nung tekolak agi ball tongoktsüba cross bar adena ao aser kasa mapang nung Deja Vu defender Henser aser Naga Jaguars nungi asayar Efurang na nem minute 34 aser 38 buba nung yellow card kaka agüja liasü. Ajisüaka asaya mezüngbuba shilem nung minute 39buba nung Yhunshalo-i goal ka idakja Déjà vu pur tejakdang kümdaktsü.
Asaya tanabuba shilem tenzüker minute anabuba nung defender Khriekethozo-i (yellow card) foul menaba sülen Déjà vu pur nem free kick metsütsü asoshi maongka agütsü koba skipper Tingyek Konyak-i metsü saka Neiphrezo-i kanga junga nokdanga tezüleni yok. Déjà vu puri ano minute 66buba nung Khangatar ajanga goal nung ball metsüoktsü saka goal keeper-i nokdangadok.
Iba sülen minute 70buba nung Naga Jaguars captain Aphretuo Kire-i ball pass asüba Ato D Vadeo-i idakja goal kasasa aküm. Déjà vu nungi asayar Awangbou nem minute 75buba nung yellow card ka agüja liasü.
Goal kasasa akümba sülen asaya tembangtsü minute 5 shi anunga lia Naga Jaguars nungi asayar Sehgouhao Khongsai-i box telung nung hand ball ka menaba atema referee-i Déjà vu pur nem penalty metsütsü asoshi maongka agütsü, koba Yhunshalo-i aibelen mesüi idakja parnok semifinal nung asayatsü asoshi maongka ngutetogo. Mapang apuloktsür asayaba mapang nung Naga Jaguars puri goal idaktsütsü asoshi maongka ngua liasü saka Aphrelie Dzuvichu-i goal nung ball tongoktsüba cross bar adena ao.
Quarter Final 2buba; Yimpoksüi/Nov 13:
Head Hunters, Jakhama Vs Fore Runners, Thizama @ 2PM