ULFA telungpurtemi Arunachal süngolu nung mapa inyaker ka apu

Digboi, Yimpoksüi (November) 12 (Agencies): Arunachal Pradesh kübok Arunachal Pradesh nung Sati Tea Estate indang supervisor cum store keeper Deobar aonung telungpurtemi pur ao.
Iba süngolu ya Bamchuk Beel nung lir aser Deobar aonung 7:15 ako meta telungpur ta temulung melemi bilemer nisung pungu arur Debabrata Deb pur ao.
Kuli agütsürtemi ashiba agi, nisungtemji army camouflage sübotsü agir liasü aser prangpong tajung bena liasü.
Telungpurtem jagi parnok Uday Asom group nung züngsemtem ta ashi. Uday Asom ya yimjung olemtep nung madenba ULFA- I telok nung tanishir ka lir.
Namsai nung aliba security osang ajanga ashiba agi Debabrata Deb chioktsü atema sen crore 3 meshir.
M/S Sati Tea Estate ya Sati Mein indang lir aser Deb ji iba süngolu nung mapa inyaktsü atema aniokba lir.
Sati Mein ya Arunachal Pradesh nung Deputy Chief Minister Chowna Mein kinungtsü lir.
Sepaitemi nisung kümzüktsü atema mapa inyaktsü tenzükogo. Namsai ya Assam kübok Tinsukia den arrtsüa lir aser iba tesem nung telungpurtem jenoker.
Taoba mapangtem nunga Changlang-Namsai aser Tinsukia arrtsülen nisung apuba, tashiyim agi sen saruba, amakba aser tanga ozüng alema mapatem inyakyonga arur.
Iba osang zülu tashi nung nisung apuba mesüra tanga osang kecha mali.