Zunheboto ATMA-i Mishilimi aser Lazami yimdak training katsü

Zunheboto, Yimpoksüi/November 12 (TYO): Zunheboto ATMA, Ghathashi Block under Pughoboto sub division-i November 8, 9 aser 10 anogotem nung Mishilimi aser Lazami yimtsüng na nung training aser demonstration ayongzüka katsüogo, aser item sentong nung asükwa mongpu nung tsünüba aonsotsütem- cabbage, Chinese cabbage, Broccoli aser peas tsünüba indang tesayuba agüja liasü, ta ketdangsertem osang ka ajanga metetdaktsü.
SDAO Pughoboto aser NTH Convener, Myanthung Patton-i tsünütsü yokba, nursery anepaluba, ai/mesen/tashidaktem azüokbayim tasa balala sayu. Paisa transplanting irrigation aser harvesting techniques sayua liasü.
ATM, Tiarenla Jamir-i Coco peat renemba indang tesayuba agutsü aser BTM, Wellson-i direct seeded tomatoes tajangzüktem aser nursery atema garden tray amshiyim sayua liasü.
Iba training nung Ghathashi Block kübok yim balala nungi aluyimertem, aluyimertem tembar, SHG aser tangar ajak agi parnok 47 aden.
Ano November 9 nüa SDAO Pughoboto office nung Mobilisation of farmers aser BFAC senden mena liasü.