Mokokchung DC-i beneficiaries jangjatsü atema sangdonger

Mokokchung, Yimpoksüi/November 12 (TYO): Mokokchung Deputy Commissioner, Sachin Jaiswal-i sangdong ka ajanga (SARDP-NE) Mokokchung District kübok Merangkong-Tamlu-Mon Road two lane ajanga kongshiba ali kiburtem aser tajangzük angutsüpurtem jangjaba aser signature maparen November 13, 2018 nü anepdang 10:00 ako nungi Community Hall, Merangkong nung agitsü, ta metetdaktsü.
Iba inyakyimji EAC, DC Office, Mokokchung, Trongtiba Tongpi T. Sangtam-i ketdangsüa agitsü aser kulisertemji Chairman, Merangkong Village Council aser GBs asütsü.
Anungji ali kiburtem aser beneficiaries ajak dang payment atema maitsü jangjatsü atema tsüngdong arutsü metetdaktsür, mesüra payment sota ayutsü, ta kasa osang nung shia lir.