Wokha kübok Pongitong yimdak angati medical camp katsü

Headquarter 5 Sector Assam Rifles aser Headquarters IGAR (North) kübok 28 Assam Rifles-i Wokha district kübok Pongitong yimdak angati medical camp ayongzüka katsüba mapang nung tangokba noksa nung angur. (Wokha, November 12, 2018).

Wokha, Yimpoksüi/November 12 (TYO): Headquarters 5 Sector Assam Rifles aser Headquarters Inspector General Assam Rifles (North) kübok 28 Assam Rifles-i Wokha district kübok Pongitong yimdak angati medical camp ka ayongzüka katsüogo, ta tanü ketdangsertem osang ka ajanga metetdaktsü.
Iba camp ji Pongitong yimdak alirtem aser temeket nung alirtem, meta talang nung hospital-i aotsü makoker tantsür tamburtem yaritsü atema liasü.
Iba camp ajanga civilian 162 tajangzük nguogo. Camp nung angati mozü agutsüba dang masü saka mapang shidak nung vaccine agitsü, temang aser temeket merüka ayutsü tesayubatema agutsü.
Iba dak sendakba nung nüburtemi pelaba lemsatepba den külemi tarutsü nung tanga yimtsüngtem nunga specialist doctors densema iba ama camp ayongzüka katsütsü mepishi.
Iba medical camp nung Commandant 28 Assam Rifles, Wokha Col. Hiren Borah aser Regimental Medical Officer Capt. Satyaprakash nata densema liasü.