Rahul Gandhi-i NPCC ketdangpur tasentem shim

Dimapur, Yimpoksüi (November) 12 (Agencies): Congress President Rahul Gandhi-i Deobarnü Nagaland Pradesh Congress Committee (NPCC) nung züngsem tasen kar shimogo.
Rahul-i ET Ezung, Khriedi Theunuo aser Bobby Panikar nungertem NPCC nung working presidents inyaktsü shim.
Par asem dak alia Rahul-isa NPCC vice president inyaktsü atema Jonathan Ao shim.
Paisa Athang Chongloi aser I Noksenlemba Chang na nem NPCC indang general secretary mendentem agütsüogo.
Sepatember 21, 2018 nü NPCC president, K Therie-i NPCC indang Political Working Committee (PAC) tentetshi. Menden toktsüba aser party nungi anenba nung ajemdaker pai PAC tentetshi aser pa dena züngsem 16 aniok.
PAC nung adenertem rongnung teimba ka Deobarnü Rahul Gandhi-i mapa tasentem lemzüktsü.
Parnokji, ET Ezung, Khriedi Theunuo, Bobby Panikar, Jonathan Ao aser Athang Chongloi nungertem lir.
Taoba mapang NPCC nung Theunuo-i vice president aser Jonathan-i general secretary (administration) inyaka liasü.
Taoba mapang Chongloi-isa NPCC nung secretary inyakogo.