India aser Japan na sentong nung Meghalaya CM aden

Shillong, Yimpoksüi (November) 14 (Agencies): Meghalaya Chief Minister Conrad Sangma-i “Celebrating the Shillong-Sakura Connect” sentong nung aden.
Iba sentong ya Shillong nung Meghalaya sorkar, Federation of Indian Chambers of Commerce and Industry (FICCI), Forum of Parliamentarians aser Embassy of Japan in India nungertemi külemi ayongzüka agi.
Sentong ya Institute of Bioresources & Sustainable Development (IBSD), Indian Foundation for Cultural Relations (ICCR), Japan Foundation aser Asian Confluence teloktemi yaria nungit.
Conrad Sangma dak alia India aser Japan nungi tongti nisungtem iba sentong nung aden.
Meghalaya aser Japan tsüngda shishilembaba aser industrial development tajungba kümdaktsütsü, mapa agütsütsü aser Meghalaya nung alirtem yaritsü indang onüktem benoka lemsatep.
Taküm April ita Japan International Cooperation Agency (JICA)-i Shillong nung Meghalaya State Planning Board den ajurutepa senden ka amendang Meghalaya nung socio-economic project tem asoshi senotsü teyari agütsütsü indang tebilembatem lemsatepa liasü.
JICA nungi study team-i Meghalaya nung healthcare, infrastructure, education aser livelihood development atema bushisüngdang asü.