PM Modi-i Singapore, Australia, Thailand Ato kilonsertem ajuru

New Delhi, Singapore, Yimpoksüi/November 14 (Agencies): Tanü Singapore nung East Asia Summit aliba mapang nung India Ato kilonser, Narendra Modi-i Singapore, Australia aser Thailand Ato kilonsertem ajurua parnok ajak den jurila senden menogo.
Tanep Modi-i Singapore Ato kilonser, Lee Hsien Loong mezüng ajurua senden amen.
Indian Prime Minister’s Office (PMO)-i twitter ajanga, “India-Singapore tesendaktep dak sendakba onüktem, talisa shishilembaba aser nisung tsüngda tesendaktep onüktem nung o lemtepogo,” ta metetdaktsü.
Iba sülen Modi-i Australia Ato kilonser, Scott Morrison den senden amen.
External Affairs Ministry otongdar, Raveesh Kumar-i twitter ajanga, “Lenir anapronglai shishilembaba aser investment, defence aser security aser linük ana amalitepa inyakba tesendaktep ano tajungba akumtsü atema o lemtepogo,” ta metetdaktsü.
Tesüsa Ato kilonser, Narendra Modi-i Thailand Ato kilonser, Prayut Chan-o-cha den senden mena liasü.
PMO-i twitter ajanga, “Iba senden nung shishilembaba, commerce aser connectivity densema tongtibang onük aika nung lenir anati o lemtepogo,” ta metetdaktsü.