Bhandari SDPDB senden nung tzü suppy atema jembi

Wokha, Yimpoksüi/November 14 (TYO): Ita shia amenba Bhandari sub-division kübok Departmental co-ordination senden tanü Lotha Customary Law Court, Bhandari nung menogo, ta ketdangsertem osang ka ajanga metetdaktsü.
Iba senden nung Additional Deputy Commissioner, Tiameren Chang-i ketdangsertemi küm piyong amalitepa inyakba atema pelaba lemsaepba den külemi sub division nung züngsem tasenpurtem pelaa agizük.
Taoba senden nung lemtetba onüktem meyipa reprangshiba sülen senden nung Bhandari nung Traffic Island yanglutsü atema mapang atsülanga 2019 küm tetenzüklen ang yanglutsü lemtet.
Yimparasa Junction, Wokha-Merapani road nung yimdaklirtem atema marketing shed ka yanglutsütsü atema benoka aliba dak sendakba nung senden nung züngsemtemi Agri aser Allied departments dang benoka asüngdangtsü lemtet.
Senden nungsa tzü supply aser electricity services atema jembidang Chairman, Additional Deputy Commissioner, Tiameren Chang-i Public Service departments- Electrical aser PHE departments ji consumer friendly asütsüla, aser bill agutsüba inyakyim junga lateta inyaktsüla, koba ajanga nübur aser department naprong ajangzüktsü, ta ashi.
Administrative Headquarter, Bhandari office nung 100% computer literacy alitsü atema nükjidong yur inyakba dak sendakba nung Chairman-i, tang office nung staff tem shilem 95 bo computer literate kümogo, ta metetdakja peipei office nung Computer literacy ajungshitsü atema mepishia metetdaktsü.
Paisa, sangküm January 15 nungi tenzüka sorkar mapa inyakertem attendance junga reprangtsü, anungji ketdangser ajaki amalitepa inyakdaktsüner, ta metetdaktsü.
Senden nungsa, taruba co-ordination sendenji Officers Forum’s adoption proposed Village, Hayiyan nung December 8, 2019 nü amentsü lemteta liasü.