St. Joseph College, Jakhama nung NCC training agidar

Kohima, Yimpoksüi/November 14 (TYO): St Joseph College, Jakhama nung November 8, 2018 nungi tenzüka 1 Nagaland (Girls) Bn NCC, Kohima Annual Training Camp agidar, aser iba camp ya November 17, 2018 nü tashi agitsü, ta tanü Col C Konwer PRO (Defence)-i sangdong ka nung metetdaktsü.
Iba training camp nung NCC Girls Cadets 293 den Associate NCC Officers aser Unit nungi Platoon Staff densema shilem agia dendar.
NCC Annual Training Camps ayongzükba nükjidong ya NCC cadets nem lenisüba dak sendakba nung tesayuba balala agutsüsü atema lir.
Iba camp ya character, comradeship, discipline, secular outlook, spirit of adventure, sportsmanship, ideals of selfless service nung rangloker agitsü. koba ajanga Cadet tem lenla ajaklen renloktsü.
Parnok nem Weapon handling, Drill aser Military subject training agutsüba dang masü saka linük telongjem, linük yangerba aser Swatch Bharat Abhiyan ama social service balala indang tesayuba agutsütsü.
Camp nungsa categories balala nung- Quiz, Basketball, Tent Pitching, Firing, Drill, Map Reading, Line Area cleanliness tetoktepba agitsü, koba ajanga cadets rongnung tetoktepba shisatsü alitsü.
Iba camp nung nüngtugu nisungtem jaoka Disaster Management, Drug Abuse, HIV Aids indang tesayuba agutsütsü. Cadets nem tanüasüng raraba hadir metetdaktsütsü atema 3 (Naga Hills) Assam Rifles-i raraba hadirtema sayaogo.