Dec 1 nungi 10 tashi Hornbill Night Carnival alitsü

Kohima, Yimpoksüi (November) 14 (TYO): December 1 nungi 10 tashi Hornbill Night Carnival ji ‘Plastic Free Zone’ asütsü ta Kohima Chamber of Commerce and Industries (KCCI)-i metetdaktsü.
Tanü nikongtsütsü KCCI Tower nung osangbener senden ka amendang KCCI president Medozhatuo Rutsa den Publicity Secretary Kaihrü Henry Chisüte nati iba osang metetdaktsü.
International Hornbill Festival, Nagaland nung shilem ka ama KCCI-i Night Carnival ayongzüker.
Plastic aser non-biodegradable materials (mineral water bottles & thermocol dena) mamshitsü tenokdangba agüja aliba nung ajemdaker KCCI aser Kohima Municipal Council-i paper bags agütsütsü aser chiyungtsütem washable dishes nung agütsütsü akok ta Rutsa-isa ashi.
Iba tetuyuba tashi mangartem ozüng agi merenshitsü aser carnival-ia arurtemia plastic bags aser bottles mamshitsü mepishir, ta paisa shisem,
Anogo 10 nü atema night carnival ji Phoolbari nungi Razhü Point tashi aonung 6:00 ako nungi 9:00 ako tashi lapoktsü, ta paisa metetdaktsü.
Night carnival nung stall 200 shi lapoktsü aser iba atema form ji asüng nungi KCCI Tower nung agütsütsü. Stall kapoktsü atema local entrepreneurs aser lanur nem mezüng maongka agütsütsü aser form agütsütsü atema tatembangba anogoji November 22 asütsü, ta Rutsa-isa ashi.
Jenjang tali tabung tur meyokdaktsütsü atema KCCI-i stall lapokertem dang nungi menu den jenjangtem osang tejangja meshitsü, ta paisa shisem.
Iba dak sendakba nung dokan kiburtemi pei pei temeket merükmejutsü aser dokan tejaklen painting & lighting asütsü mepishir, ta Rutsa-isa metetdaktsü.