Nagaland nung World Diabetes Day amung

Dimapur, Yimpoksüi (November) 14 (TYO): Tanü World Diabetes Day amungba tenüng nung Department of Health & Family Welfare-i Horticulture Department den yaritepa sentong ka agi.
Directorate of Horticulture nung ‘The Family and Diabetes’ omen nung sentong agiba sülen screening camp ka agi.
Iba sentong nungsa Project 72 Hrs, ‘RUN KOHIMA’ den health awareness program ka tenzük.
Team leader Project 72 Hrs, Sievituo Solo-i temang anema alitsü atema inyakyim ajungmeotsü atema mapa inyakba osang metetdaktsü.
Sentong nung shisalen sayurji NHAK Diabetologist, Dr. S. Neiphrezo liasü aser pai diabetes angatettsü, azüoktsü aser noktangtsü indang inyakyim kar lemsatep.
Paisa diabetes agi shirangertem dang temang anga alitsü aser mapang shia check up aotsü atema ayongzük.
Screening camp nung Horticulture, Land Resources Development aser Water Resource
Directorate tem nungi ketdangsertem aser staff tem Blood Sugar, Blood Pressure aser Body Mass Index reprang.
Sentong nung mendenji Department of Horticulture Dy. Director Jerry Patton liasü aser
DH&FW Joint Director Dr. W. Nchumbemo Ezung-i World Diabetes Day indang osang metetdaktsü.