Dr. Nicky-i Pinnacle Skills’ Training Centre semzüktsü

Dimapur, Yimpoksüi/November 15 (Agencies): Rural Development Advisor, Dr. Nicky Kire-i Yangtepnü Chumukedima nung DC office tasenba anasa amenoker aliba Pinnacle Skills training centre semzüktsüogo. Iba training centre ya Ministry of Rural Development, Government of India, youth employment scheme, Deen Dayal Upadhyaya Grameen Kaushalya Yojana (DDU-GKY) kübok amenokogo. Nagaland nung iba scheme ya Nagaland State Rural Livelihood Mission (NSRLM) ajanga inyaksangshir.
Centre lapokba sentong nung o jembidang Dr. Nicky-i meranga inyaktsüba dak alaker tanga lenmang kecha mali ta ashi. Pai kaketshirtem dang training aser mapa agütsüba maongka agia pei asoshi taküm jenjang ka ajangtettsü asoshi ajungshi. Advisor-isa training kits tem lemja liasü.
Dr. Nicky-i training koda agiyonga aoer aji metettsü asoshi ajungbena iba centre semdangtsü ta metetdakja liasü.
Iba sentong nung NSRLM, Additional Secretary cum Mission Director, Athel O. Lotha aser Pinnacle Skills mendenbuba Dr. John Murry densema liasü. Iba sentong ya Pinnacle Skills Chief Executive, Dr. Yan Murry lenisüba kübok aka aser Lotha Baptist Church Dimapur pastor Yanbemo Ovung-i temoatsü meshia sarasademer tenzük.
Pinnacle Skills ajanga angati agi residential courses tem; Beauty & Wellness, Hospitality aser Information Technology dak sendakba nung training agütsütsü. Course ka ita asem agitsü aser iba sülen mapang agütsütsü.