Ashish Kundra Mizoram CEO shim

New Delhi, Yimpoksüi/November 15 (Agencies): Mizoram nung lokti tentet balalai akhangba nung ajemdaker tanü Election Commission-i Mizoram Chief Electoral Officer, S.B. Shashank agienogo aser pa melen Ashish Kundra shimogo.
November 28, 2018 nü state nung assembly election agitsü lia CEO tasen shimmer.
EC-i Shashank ji Election Commission den attach asütsü, ta metetdaktsü.
Taoba hopta Mizoram NGO Coordination Committee (MNCC) densema high-level Election Commission team senden aika mena liasü, iba sülen pa agienba osang EC-i sangdonger.
EC tetuyuba ka ajanga Principal Secretary (Home), Lalnunmawia Chuaungo agienba sülen taoba hopta nungi tenzüka Mizoram nung melungtet telok, Young Mizo Association leniba nung MNCC lenirtemi CEO, Shashank agientsü takhangba agütsü. Iba dak alia Chief Minister, Lal Thanhawla aser ruling party Congress den BJP densema opposition party temia MNCC-i akhangbaji nungita liasü.
Chief Electoral Officer (CEO) aser Principal Secretary (Home) na tsüngda mangatettep adokba nung yimtenren aitdaktsüba ajanga mangatettep tuluba akum.
Shashank-i shidi ka züluba nung ajemdaker November 2 nü Election Commission-i Chuaungo election duty nungi agien, aser ibaji ajanga Mizoram nung lokti tentettem jashidaktsüba nungi tenzüka parnoki CEO agientsü akhang.