Xiaomi Black Shark Helo gaming phone sayaogo

Yimpoksüi/November 17 (Agencies): Xiaomi-i parnok indang ‘Black Shark Helo’ ta nüngja agütsüba gaming smartphone Rogonü/Friday Europe nung sayaogo. Taoba ita iba smartphone ya China nung mezüng sayaa liasü.
Euro 469 (sen 38,300) aser pound 409 (sen 37,700) alang Black Shark Helo smartphone den külemi Xiaomi-i parnok meyong gaming pad ka agütsütsü. Iba offer ya mapang tatakzük ka atema dang alitsü.
Xiaomi indang Black Shark Helo smartphone nung keta aliba Qualcomm Snapdragon 845 processor den 10GB RAM inoka yanglutsüba ya smartphone rongnung mezüng asütsü. CPU temperature degree 8 tashi ajemdaktsüsü atema Xiaomi-i multilayer liquid-cooling system inoka yanglutsü.
In-game microphone den külemi iba smartphone nung dual-stereo speaker keta aliba angutsü. Gaming experience takaraba atema, smartphone nung physical switch ka keta lir, koba ajanga ‘Shark Space’ load asütsü.
Tamshirtemi phone performance aser tanga tongtibang element tem adjust süa amshitsü atema, company-i iba smartphone nung ‘Gamer Studio’ ta nüngja agütsüba hub temeja ka inoksema yaglutsüogo.
Tasazük inch 6.01 AMOLED display aketba Black Shark Helo indang aspect ratio ji 18:9 aser full HD+ resolution asütsü. Tekümzüktsü atema smartphone tejaklen 2.5D glass inoka yanglutsü. Software algorithms ajanga phone display ya SDR content nungi HDR agi melena amshitetter. Smartphone tezülen LED light ka keta lir koba tamshirtemi customize sütettsü.
Camera tsütsü reprangdangra, Black Shark Helo tesülen 12-megapixel aser 20-megapixel camera den f/1.75 aperture keta aliba angutsü. Selfie atema, tejaklen 20-megapixel den f/2.2 aperture inoka yanglutsüogo.
Xiaomi Black Shark Helo nung storage option ana – 6GB RAM den 64GB storage aser 8GB RAM den 128GB storage angutsü. Smartphone nung 4,000mAh battery den yarisema Qualcomm Quick Charge 3.0 ajanga power agütsür.
Connectivity atema iba gaming phone nung dual SIM, 4G LTE, Bluetooth 5.0 aser USB Type-C port keta lir.