Maldives Tir tenangzükba nung adentsü atema Modi apusoa ogo

New Delhi/Male (Maldives), Yimpoksüi/November 17 (Agencies): Maldives Tir, Ibrahim Mohamed Solih tenangzükba agiba sentong nung adentsü atema tanü Ato kilonser, Narendra Modi New Delhi nungi apusoa ogo.
Ato kilonser, Modi-i Facebook post ka ajanga, “Asen linük den kidanger linük Maldives yimtiba, Male semdangtsü aliba atema ni pelar. Tir Ibrahim Mohamed Solih tenangzükba agiba sentong nung adentsü,” ta metetdaktsü.
Taonung 6:15 ako meta pa Male nung aliba Velana International Airport tonga ao, aser pai Tir tasenba den senden amenba sülen kasa anogo nung meyipa arutsü.
Ato kilonser, Modi-isa, “India aser Maldives na akhidang nungi tesendaktep junga lir. Ozü sorkar mangdang ‘Sabka Saath, Sabka Vikaas’ ji asen kidanger linüktem atema-a asütsü. India nungeri Malidives ji democratic, azükaru aser yimjung aliba linük ka südaktsüner,” ta lemsatep.