Sonia World Championships pre-quarters-i iogo

Küptoknü AIBA Women’s World Boxing Championships-2018  asaya nung Indian Boxer Sonia-i Toujani Doaa akokba sülen tangokba noksa nung angur.  

New Delhi, Yimpoksüi/November 17 (Agencies): Küptoknü AIBA Women’s World Championships nung India tsür rongnungi boxer Sonia-i Morocco tsür Doaa Toujani koka 57kg pre-quarterfinals-i iogo. Arishi küm 21 tain Sonia ya Haryana, Bhiwani district kübok Nimri yimtsüng nung aluyimer ka jala lir. Lai la indang “defensive” style kanga junga amshia 5-0 agi asaya kokogo.
Iba asaya kanga toktepa asayaogo aser judge pongupronglai round asemprongla nung point 10-9 agüja liasü.
Sonia -i iba asaya 29-28, 30-27, 30-27, 30-27, 30-27 agi akok.
Senior jenjangi aniketba sülen iba asayamung ya Sonia asoshi international jenjang nung asayamung tulutiba asütsü. Taoba küm lai Serbia Cup nung gold medal ka koktetogo aser taküma Ahmet Comert Boxing Tournament nung bronze medal ka nguogo.