All Ward Union Mkg Presidential council senden amen

Mokokchung, Yimpoksüi/November 17 (TYO): All Ward Union, Mokokchung (AWUM) Presidential council senden November 17, 2018 nü Senyur kidang ayongzüka menogo, aser iba senden nung pangzüng kar renema liasü, ta Tir, R.Ayim Longkumer aser tongti tezülur, Lanumeren nati sangdong ka nung metetdaktsü.
Senden nung lemtetba bangzüngtem; tang nungi tenzüka Mokokchung Town nung crackers ayokba mesüra apokba memelatsü aser azü kiburtemi yimdong nung azü nemzüa mesenzüdaktsüi alena ayutsüla.
Item bangzüng ya tang nungi tenzüka Mokokchung jila nung benshitsü, anungji Ward ketdangsertem dang itemji ozüng süa benoktsü aser aibelenertem nem temerenshi agutsütsü mepishia metetdaktsür, ta kasa sangdong nung shia lir.