CPO & Chakhesang nunger doctor temi medical camp ayongzük

Kohima, Yimpoksüi/November 18 (TYO): Chakhesang Public Organization (CPO) aser Chakhesang nunger doctor tem longjemer Phek district kübok Tizu tesem nung taoba hopta medical camp ka ayongzüka kaogo.
Iba medical camp ya K. Khuno, Kizari, Kotisu, Suthosu aser Tehephu yimtsüng nung aka aser tashidak balala agi shiranger parnok 293 temang anepaluogo.
Parnokisa Yimpoksüi/Nov 16 nü Suthotsu nung yipden nungi mesakteti shiranga aliba nisung ana tashi temang anepaluogo.
Kasa mapang nung CPO general secretary Mutsivoyi Kotso-i, Mission Director NHM aser Directorate of Health & Family Welfare Nagaland-i, ambulance, mozü aser senotsü teyari agütsüba atema parnok tenüng sanga liasü.