Minister Pangnyu-i Union Minister ajuru

Dimapur/New Delhi, Yimpoksüi/November 18 (TYO): Yimpoksüi/November 17, 2018 nü New Delhi nung Nagaland Health & Family Welfare Minister, S. Pangnyu Phom-i State Independent Charge for (AYUSH) Ayurveda, Yoga & naturopathy, Unani siddha & homoeopathy Union Minister, Shripad Yesso Naik, pa indang official kidang ajuruogo, ta tanü PRO(IPR) Nagaland House New Delhi, Kuolie Mere-i sangdong ka nung metetdaktsü.
Senden amendang Pangnyu Phom-i Union Minister dang Ayush kübok Central Scheme benoka inyakba mapatem osang metetdaktsü aser state nung medicinal plants fields & herbal gardens indang project agütsü, ta kasa sangdong nung shia lir.
Minister-isa Union Minister dang state semdanga Nagaland nung Tuensang District nung tang mezüngbuba AYUSH semzüktsütsü mepishia asüngdanga liasü.
Ajioda Union Minister-i state minister- agutsüba project proposal ji agizüktsü, ta shia Tuensang nung AYUSH hospital semzüktsü atema anogoji taküm December ita nung shimang, ta metetdaktsü, ta kasa sangdong nung shia lir.